انا شاعرة واحب شعري وفني = ويغريني ابداعي وشوقي للأبيات
منها انا وهي تنتمي لي ومني = وارفع لها حجاج الرضى له علامات
وتفهم علي وتستجيب وتحني = وتعانق إلهامي وتخضع تحيات
انحت صخر بالشعر ماجاك عني ؟ = ماخبروك اني زعيمة عصابات ؟
ما قالوا لك عن جن شعري وجني = واني من الاوزان اصخرَ ثقيلات؟
احس انا نفسي وبالشعر كني = انظمّ نجوم السماء بالمجرات
واعيش في جوه ونفسي اغني = تقول مجنونة او استخدم القات
احذركَ لاتعترض للتجني = وش فيك بايعها عساها سلامات؟
وش محرقك؟ اكيد وان جاك ظني = غيره , قهر, واحساس ضعف الإرادات
انا كبيرة عن كلامك كأني = سحابتاً غرا بجوف السحابات
اعبرَ الجاهل ببسمة لأني = مااشيل بالخاطر ظنون وسفاهات
عالي مكاني بالشعر ومتهني = مثل القمر من فوق سبع السموات