مـشـين مـع الــبـر يـشـفي كــل ملــهـودي = وقـت الـمرآبيع باآرضـن تـوهــا ســاله
فـي خــايــعن كـل يـومن عـشبه يـزودي = بــس آم سـآلــم تــشـكل فـيه مـواله
لآ صــرت بـالـشاص تمـشي باول الذودي =قـدام مـقــهـورهـا والــسـكس يـبـراله
قــدآم شـعلـن ورثـــنـاهـن مــن العــودي = اللي عــسى جــنــة الـفـردوس مــنـزاله
نـمـشي مـع الـبـيـد مـعـهـن دون بـــارودي = مـن فــضل ربي وثـم آمـيل آعــقـاله
صـقــر الــعـروبه ملـكــنـآ مــنــبـع الجـودي = الــفــقـر والـخــوف عـنآ بالبلـد شـاله
مـن طـيـب قـلـبه لشعبه صار محسودي = ابــوه طـير الـسعـد والـشـمري خـاله
ابـوه صقـر الـجـزيـره مـتــعـب الــقـودي = بـالـشرق والـغـرب محدن يفـعل افعاله
ولي عــهــده مـن الابـــطـــال مــعــدودي = سـلـطــان بــالـخير والتوفـيق يـدعـاله
مـفـتـوح بـيــتـه نــهـــار ولـيــل مـا كـودي = مــدة يـمـيـنـه نـهـارن تـغـنـي آجــيـاله
ونــأيـف عـضـيـده حكـيم الراي محمودي = لـجل الوطن والمواطن مرخصن مـاله
تــسـهـر عـيـونـه وشـعـبـه كـلـه ارقودي = يــارب طــول بـعـمره وآقــبل آعـمـاله
وسـلمـان سـلمـان مزبـن كل مضهودي = مــن شـــاف ضـيم اللـيـالي لاذ بظلآله
الــبــاب قــدام راع الــشــر مــسـدودي= يـمـوت مــا حـصل اللـي دار فـي بـاله
تـمـت ونطلب من اللي فوق ماجودي = منبت هشيم الشجر من بارق آخياله
نطلبك ياللي خلقت البيض والسودي = آنـك تـــقــر الــوطــن وتــســلم آبــطــاله