كان انت يامرضي تركت القوانين=وخليتني بالقيظ مثل الجراده
عساك تبلش بأم تسع وثلاثين=اللي لها راتب ومعها شهاده
علهب تركها زوجها قبل عامين=ماغير تفرك روحها بالوساده
وتبي افحج مربوع ماهده الدين=يقدر يحقق للعروسه مراده
وليلة زفافك شفتها ليل الاثنين=ولقيت زول مثل ثور الحماده
ثور سواده بالقوايل سوادين=وله شوشة بالليل مثل الكتاده
والوزن بالريجيم تسعه وتسعين=من كثر ماتبلع وتكمل رقاده
لما غدى كرشه من البلع كرشين=تشبه **** الزرع بأول حصاده
ريحه سعوط النفط وسط الجوالين=او فاطر بالقيظ يسري قراده
عند الفرح يقطر دهون الوزالين=وعند الزعل تدهاك ريحة رشاده
في مطبخه لجة صحون ومواعين=كنه بوقت الطبخ ورشة حداده
مابه ولو خصله وحيده من الزين=تشبه غراب البين ساعة هداده
ونهودها بالصدر مثل الصميلين=وفيها طباشير الفحم مع رماده
وقرونها بالليل مثل الثعابين=اللي تجي للغرس حزة جداده
وملزوم تجري بأول الليل شوطين=ومثله الياهب الهوى مع براده
والصبح تاخذها تدوج الصوالين=وتحمي عروسك عن محارش سراده
وسط الغماره كن جنبك بعيرين=او خمس ثيران تعاني قياده
وطلاقها مشروط عشرة ملايين=ماتتركه حتى تكمل سداده