ياغير ياللي عن جميع البشر غير=ياعاليه والناس ادنى في ادنا
انتي مثل رش المطر في سنة خير=وغيرك يقول اليوم يارب زدنا
وانتي مثل باس اليمامه مع الزير=وغيرك جواري في نواحي بلدنا
وانتي مثل ظل النخل داخل الحير=اذا تعبنا في ظلاله قعدنا
وغيرك سراب يهلكك بالمشاوير=قريب لكن نلحقه وابتعدنا
وانتي مثل نية غصن يسكنه طير=يحفظ فروخ الطير من بطش يدنا
وانتي حفيده للشيوخ المغاوير=وحنا بعد صلنا وجلنا وسدنا
وانتي مثل وقت الفجر والعصافير=لولا جمالك يالغلا ماقصدنا
كم هير يبن الناس ارجوك كم هير=حظي على درب المحبه قردنا