عمر المراجل ماتحدد بالاشكال=وعمر العفن ماذاع بالطيب صيته
يبقى على ماقــــيل جماع للمال=ردي نفــــس ولو بحـــالك فديته
وإلا الرجل تعرف مباديه بالحال=وتعرف بعد وشلون لامن نخيته
يعجبك في حاله وقوله والأفعال=ويعجبك لامن جيت عاني نصيته
ذكره بقى تاريخ عايش للاجيال=بعلومهم هي ساس مجده وبيته
هذا نعـــم هذا كــــفو طيب الفال=هـــذا الذي من شان طيبه هويته
وأنا انا ياصـــــــاحبي صـــرت رحال=بافـــكار قــافي شامخـــــاته رقــــــيته
شفت العجب في لحظه الصمت غربال=في لحظــته شديت قافي وجـــيته
أحيان أحس إنالمبادي بالأقوال=من يوم خاب الظن من هوهقيته
وأحيان أقول إن الأمل صدررجال=بحروف شعره مجد عزه خذيته
وأحيــــــان لا والله إلا ولا زال=نــبع الكرم ساس المراجل لقيته
في كل شخص حسب لقول منقال=حسب لها حــــتى ولو ماعطيته
يكفــــــيه علم غانم رغم الاحوال=ويكفــيه ذكر حروف شعر قريته
ان المراجـــــل ماتحدد بالاشكال=وان العفــــن ماذاع بالطيب صيته