الحب جرعني غثاه ومراره = والحظ مثل الظل يمشي يباريه
هذا يبي حبه بربح وتجاره = وهذاك يبغاها تجامل تجاريه
وهذا يحب وللآسف منه طاره = وهذاك ماحصلَ سوى شوف عينيه
هذا نزف جرح الغلا وافتخاره = وهذاك يلعب بالمشاعر على التيه
هذا بكى هذا خضع لإنكساره = هذاك قاسي قلب طاحت عراويه
هذا يعيش على الامل بأحتضاره = وهذاك عايش حب يوم ومشاريه
هذا لعب هذا عشق وجه ساره = هذاك روحه تلتحف روح مغليه
هذا كذب زاد الالم واندثاره = هذاك صادق مار حظه لعب فيه
الحب رائع والتجاهل شطاره = والجرح مايرحم ليا حل طاريه
الحب جرح الحب حرباً وغاره = الحب شوق الحب ذوق بمعانيه
الحب داءً للقلوب وغضاره = الحب بلسم والعمر في ثوانيه
ياقلب روحَ انتهينا زياره = جولة محباً مالقى من يداريه
تقبلوا دمع العيون وقاره = توقيعي وحبي وجرحي وخافيه