وقت الرخا ناسك تساوي ملايين=وقت الشدايد ترتخي به رشاهم
وقت الرخا معك على العسر واللين=والضيق يكشف لك مساوي خفاهم
ياوقت وين الصدق وين المحبين=وين الذي عسر المواقف طواهم
وين الصديق اللي على رفة العين=تلقاه نهرك لاجفا نقع ماهم
وين الحميا وين عرق القريبين=اللي سرى به دماً احمر شكاهم
وين القلوب الطاهره يالعفيفين=ماتت ومات النبض بآخر رجاهم
ياليتني من ضمن دنيا المساكين=ولاشوف ناساً حسد غيره كلاهم
ياليتني مجنونه امن المجانين=ولااشعر ولااتآكل من اللي غشاهم
دنياك هذي تبهج الخايب الشين=وتحزن شريفين القلوب ونماهم
ياالله دخيلك لاغشى الماء على الطين=انا دخيلك من مصايب شقاهم