ياصاحبي بالضلم شابت جفوني=وانا ابد وافـي على دون تقصير
ياصاحبي وان كانهم مايبـــوني=انا لي الله رازق الانـس والطير
ابكي ودمع العين جرح عـيوني=واشوفها جتــني بســود المقادير
ياصحابي وعيالي اللي نسوني=ولافيـــهم اللي بادلنـــي باي تقدير
جــازوني بصـــد ولا قدروني=واهدوني النكران من دون تبرير
وزوجاتهم بالبيت عنه طردوني=ولامنهم اللي سـاق حلو المعاذير
انا ابوهـــم بالجفاء عاملوني=الومهم مالوم احـد ابد غير
هذا القهر وشلون مايـرحموني=اعيـــش فـــي دنـــياي ذل وتحقير
عمري كبر ياليتهم ساعــدوني=والجرح ساطي واضح بي بتاثير
وش حيلــتي مدامهم لــوعوني=برحــل عساي القى محبه وتوقير
واخذ ونين الجرح وادله بكوني=خــلاص انا مليت ماصار ويصير
يمكن ابلقى شخص قلبه حنوني=ينسيني اللي صار واعيش في خير
لكن ورب البيت شابت جفوني=من جــورهم والظلم من دون تقدير