الحر لا ورّث شياهين وفروخ =ماهو مدوّر في عوضهم بدايل
ياللي تقول البدو ما فيهم شيوخ=البدو راس الطيب وأهل الجزايل
عذربتني بالدرع والرمح والجوخ=ومزارقات الربع عند القبايل
تاريخنا ماهو مع الناس مشروخ=وياما قصر من دوننا كم عايل
والراس ماهو راس دام أنه يدوخ=لامن رقاء صم الفعول الصمايل
والطلح ماينبت على غصنه الخوخ=ولايستوي بالدرب جزل وهزايل
وألا أنت مثل الحنظله عرق وجلوخ=يخضر ورقها بس مامن حصايل
قدري وأعرفه زين والعلم مطبوخ=وأن قلتها (ياهيه) فالشك زايل
أن جيت لك مطنوخ وأن رحت مطنوخ=يكفيني أني من سناعيس حايل