دارت بي الدنيا على مشتهاها=واخذت من دنياي درس وتعلمت
تمشي بها نفسي وتبغى رضاها=لين ادبرت دنياي منها وتألمت
ياصاحبي والعين تذرف بماها=هاذي هيا الدنيا وفيها تحلمت
البارحه وهموم شلي طراها=لاوالله اللي روحت ماتؤلمت
كان الطموح العام نفسي هواها=دكتور عالي بالصداره تكرمت
والا على ماقيل نكسب ثناها =ناسن سوالفهم ترى اكثر من الصمت
والا على متني نجومن وراها =صيتن افاخر به ليا من تكلمت
مير الغبن بالواسطه وش بلاها=ناسن تزهًل لك وتخلف ليا قمت
تدري وش اللي هو يكدر خفاها =لاحدن سالني فيه قمت و تلعثمت
نفسك ليا وينه توصل بناها =هاذي هيا لي لاطروها تحطمت
ونفسي عقب هذا وش اللي ملاها=جندي انا وبالعسكريه تهممت
واحلام راحت طيب الله ثراها =راحت حراويه وعنها تبسمت