قلبي تولع في محاجر نوره=عينه بعيني كنها تنخاني
وانا سقيم وكلوتي مشطوره=وهي تجيد الطب للوجعاني
عين الوحش لاسلهمت ممروره=كنه تقول الموت ياكحيلاني
كنه رياضي وخافقي له كوره=قامت تشوتاً كنها القحطاني
ولع خفوقي واحتما تنوره=حولت كلي بساحة الميداني
من شفتها ريميتاً مذعوره=قلت ارحمن يارب لاتبلاني
هدت ولدت وستدارت دوره=قالت فديتك ماتبي عنواني
قلت ارحميني وانظري بالصوره=انتي سبايب حيرتي وجناني
انتي الوطن والعاصمه ونهوره=انتي شذا اليشموم والريحاني
انتي حكمتي خافقي يانوره=وانا عليا طاعة السلطاني