يابونمش أنكان تسئـل عـن الحـال=أبشـرك بخيـر فـي كـل حـالـي
بفضـل ربـي دايـم ِ واسـع البـال=طيـب ومتعافـي والـراس عـالـي
وانـا علـى خبـرك ومبـداي لازال=والقلـب صافـي كاالقـراح الزلالـي
ولايهزنـي نقالـت القيـل والـقـال=الـي لهـم بالقـذف قيـل ِ وقالـي
ياحبهـم لتفرقـه خبيثيـن الأعمـال=ياويلهـم يـوم الحشـر والسؤالـي
وسومهم بوجيههـم سـود الاشكـال=أهـل الوجيـه المظلمـه بالسفالـي
أشهد حديهـم مايسـاوي لـه ريـال=وأكرمكم الله مـداس تحـت النعالـي
وأنا صريـح ولأجامـل مـن أحتـال=لوهو قريبي لاسقيه كـاس ِ علالـي
ولاحب أبو وجهين والي بـه خبـال=ياكثر مابـه مـن عيـوب الخبالـي
وأشره على الطيب وأعنز على رجـال=شـرواك يانهيـر لنـا راس مـالـي
بدون قصـور بلابتـي درع وظـلال=أهل الكـرم والطيـب نعـم الرجالـي
حسين المجلى لاصك جال ِ عرض جال=سعد الرفيـق ومزبـن الكـل جالـي
تاريخهم تشهدلـه عصـور وأجيـال=مـن حـد حايـل للجزيـره شمالـي
قلتـه ولانافـق ولانـيـب دجــال=أدخل بوجهي وأخـاف رب الجلالـي
سـلام يـارع الكـرم طيـب الفـال=أبونمـش يأعـل ايـامـه طـوالـي
حلو المعاني حظرت عبـر الآرسـال=في كل موقـف شموخهـا كالجبالـي
شاعـر ووردهـا علـى كـل مـوال=ولبو نمش سقـت البيـوت الجزالـي
لشاعر الي يصخـر القـاف بالحـال=ماهوب شعـر ابـو حلولـى وحالـي

يالله ياللي مرسيٍ لارضك جبال=ياعالمٍ في شينها والجمالي
انك تثبتي على زين الاقوال=في يومك الموعود يوم الهوالي
ومن بعدها حييت ياجزل الامثال=يابو فهد نعم الأهل والخوالي
يامرحبا بك عد ماواديٍ سال=واعداد دورات الفلك والليالي
واعداد ماهب الهوى والغصن مال=واعداد ماتنبت وساع السهالي
لاهنت ياللي كاسبٍ كل الانفال=يالشاعر الشغموم قرم العيالي
سلمت يابن العم من كل ولوال=وكفاك شر مدورين الخمالي
اللي سوالفهم خرابيط جهال=دايم على العوجا تسوق الرحالي
ابعد مجالك عن مخابيط الانذال=وارتك على حلو النباء والقبالي
النادر اللي للمطانيخ مدهال=اعنز عليه ولا تدور بدالي
واحذر يغرك بالبشر زين الازوال=والا الكلام اللي جميلٍ وحالي
واحذر على سرك يلاقون مدخال=اهل النفاق مجمعين الهزالي
خلك على راس النباء دوم نزال=خابرك ذيب ولاتحب التوالي
وانا معك قدام يانسل الاشبال=امشي معك بالجاه وغالي حلالي
ويفدا جنابك كل خاين وحيّال=اللي بعمره مارقاء للمعالي
ودامك بخير وصحتك عالي العال=الحمد للي متصف بالكمالي
وسلمت ياطير السعد طيّب الخال=يامعرب العمان هذا مقالي
ومنك السموحه لاحصل مني اهمال=دايم اقصر مع جميع الغوالي
وتبقى المحبه راسخه كنه اجبال=بيني وبينك يابعيد المدالي