تنشد عن علومي وتنشد عن الحال=شفني على وجه الوطا حافي اقدام
سكر نبات الوجه رجلي ورحال=ملحه يدك البيد كشخه وهندام
مبدى ملامح صورته لعبة اطفال=تلعب له الدنيا على كف الأحلام
عارف وفاهم للطنا حشمة رجال=وده يشق الصدر عبره للأصنام
كل المواري فيه هيبه وغربال=وكل المواقف فيه عزه وضرغام
رجلٍ على الصكات صابر ولا قال=يكفيه صبره ماتعثر ليا قام
ياصاحبي ليل الوزاء وان بعد طال=خلك على وضح النقا كل الأيام
اركض ودور للرخا عند الأشبال=وش عرف اشبال الرخا طرح الأرقام
اعقل ذلولك دام هالوقت ميال=خلك حيادي عن متاهات الأوهام
وانا علومي ياولد كله اهبال=عفراء ظنوني مدت الصبح مجهام
راحت تذب البيد ترثع وزرفال=وجهه شمال وتطوي البعد درهام
وهذي علومي كان تنشد عن الحال=العمر دين وخافي العمر قدام