باسم ماجد اشلع الصوت يالساري= وغنبه والعب على كل موالي
ماجد الضوي كما الضو سماري= له وقار وحشمةً عند ألأبطالي
وأبو نايف كنه السيف بتاري= قاطع كالسم وأحلا من الحالي
ومثل أبو فيهد راع الطيب والكاري=ضيغمياً شامخاً منزله عالي
ومثل مشعل للوفا رمز واشعاري=هيلعياً ينقض الحبل فتالي
وخالد العضاض كاليث جباري= بالحميه فاز من ماض الأجيالي
وابن سريع افتخر فيه وآماري= عزوتي لا حلبه يوم عيالي
وكل شمر تاج لي رمز وشعاري= وكل طيب لي ولد عم مع خالي
والختام المسك عبيره اشعاري= لكل طيب غالي وماجد الغالي

شاقني قافاً من العيلم الجاري= فيض جمه لاصفق يلطم الجالي
مرحبابالشعر مايسري الساري= وعد مايهمل من المزن همالي
مسندي طلاع ياحي هالطاري= أنت غالي حيل ومعزبك غالي
مثل نحم الجدي ينظربه الساري= ماجد الضوي للأجواد مدهالي
مجلسه ماينوجد فيه ثرثاري= فيه ناساً شوفهم سلوت البالي
مثلهم ماشفت في كل الأقطاري= الطنايا دوم بالمستوى العالي
الطنايا متعبت قب ألأمهاري= في نهاراً فيه رجاف زلزالي
يعجز التعبير وتقصر أشعاري= لو بغيت آصف قديمين ألأفعالي
يشهد التاريخ والحبر والقاري= لذيابه قدمو طيب المالي
والخوي الي رمت فيه الأقداري= قالو أركب فوق ألأمتان متعالي
والحيسه شاع ذكره بالأخباري= والبيوت الي بها مزبن الجالي

يالله المعبود يالواحد الباري= يامعين الي ترجاك يالعالي
استعينك يوم وردي ومصداري= ساعداً في رد زينات ألأمثالي
مرحبا بطلاع بيطار ألأشعاري=شاعراً يازين معانيه ياقالي
أبن عمي له معزه ومقداري=واتشرف لياتقهوا من دلالي
الزميلي حي والله من الطاري= أشهد أنه طيب الجد والخالي
ولابته لصاح صياح ومثاري= مدركين النعم ماضين ألأفعالي
والختام اقولك سر وجهاري= الشكر ينصاك يالطيب الغالي

ياهلآ اعداد مايذري الذاري = بالقصيده وراعيه بناخين خالي
لو مدحتك مايوفنك اشعاري = بالمعالي منزلك قبل منزالي
انت حر من صواريم سنجاري = ضوين من روس كساب الأنفالي
ربعي اللي يوم للفعل تعباري = يبيضون الوجه ماضين الأفعالي
والخوي لاطاح في وسط الأخطاري = يلحقونه لانسا الغالي الغالي
جارهم يدله ولا يشوف إلأ كداري = ينزلون الجار بالمنزلي العالي
وضيفهم يلقى المعزه ومقداري = ومن حلاهم ماشكا ضيقت البالي
الزميلي عوق من يطلب الثاري = من خليفه نجمكم بالسماء عالي
جدك اللي جمع الضو بتواري = وعتلى بالمرجله راس مطالي
الحقيقه نقوله مابها نكاري = ومن زعل يصفق براسه على الجالي
والختام صلو عدد نبت الأشجاري = على محمد عد ماهل هطالي