هلا وغلا اخوي أجا000
الجوهره وشلون تمشي على القـاع=حسبي على اللي جابها من بحرهـا
أثر البني فيهن تشاكيـل وانـواع= فيهن جمـال وفيهـن الله سترهـا
بعض البنات تشري الذهب يوم ينباع=تبيـه يستـر حالهـا ويعمـرهـا
وبعض البنات مثل الذهب تلمع الماع=ضاع الذهب يـوم حـط بنحرهـا
محبوبتي غطت على كل الاوضاع=شنهي ديانا يوم تنشـر صورهـا
والله لو ماتلبـس حجـاب وقنـاع= لتشوف نصف الكون يمشي باثرها
ولوطالعت قاع محل صار مربـاع= ولوطالعت غيمه تهاطل مطرهـا
ولواشرت يم الكواكـب بالاصبـاع= كل الكواكب حولت مـع قمرهـا
هذي ثلاث سنين عاشـق وملتـاع= والرابعه تـوي بديـت بشهرهـا
الله يكافيها شـر حاسـد وطمـاع=وبعض الاوادم ماتخلـي قشرهـا
والقصيده هذي اشتهر بيتها الاول لانه حكمه وذاع صيته وليس لي تأكيد على
صاحبها لانها نسبت ايضا لعمير المطيري والله اعلم00