الاخوان في منتدى نشاما شمر
بعد التحيه
انقل لكم محاوره هي من أقوى المحاورات التي تجمع بين شاعرين
الأول هو شاعركم المبدع {بعيدالنظر} والشاعر الآخر هو عملاق الجنوب وشاعر قحطان
العملاق / سعيد ابو ديه ..وهو من الشعراء الذين لهم لقاءات مع أباطرة المحاوره / أمثال / مستور العصيمي والدكتور الشاعر مطلق الثبيتي والشاعر صياف الحربي
هذه المحاوره تابعتها مباشره على الهواء ونقلتها هنا وقد إستأذنت من شاعرنا بعيدالنظر وأذن لي بذلك
تعالوا وتابعوا مادار بين هذين العملاقين

@@@

عبيدالله العرابي

سلام رديـةٍ مـن طيبهـا تنبـت نواويـر
في مجلسٍ شيّدوه وله على الطالـه مجالـي

جينا على الوعد وآفرح بالرياجيل المناعير
حاسب حساب الدراهم والتجر والسوق غالي

@@@

سعيد ابوديـه

يامرحبا مثلها ياهل الوفـا حشمـه وتقديـر
في مجلس(ن)فيه تلقا الطيب وعلوم الرجالي

يوم اجتمعنا على الميعاد بوجيـه مسافيـر
ياما على البال ياشهم النبـا يامـا طرالـي

@@@

عبيدالله العرابى

دام البقا ياسعيـد ودامهـا الدنيـا تياسيـر
لابيـض الأيـام نامنهـا ولاسـود الليالـي

يوم إجتمعنا على الميعاد لو جامنك تاخيـر
يالله عسى اللي على بالك يشيله وسع بالـي

@@@

سعيد ابوديـه

من عصر ياصاحبي جانا المبشر والتباشير
ياشاعر تاصل الحروه وترقـا كـل عالـي

في كل تاخيرة(ن)خيره عساها خير في خير
والمشكله فـي جواب(ن)مالقينالـه سؤالـي

@@@

عبيدالله العرابى

البارد الحلو والموت الحمر جوف المعاصير
أحدٍ يرد للفنا وأحـدٍ يـرد للمـا الزلالـي

ماني بعاكس طريقي والعرب تمشي طوابير
واللي يذوق بلسانه مايقـول المـر حالـي

@@@

سعيد ابوديـه

النقش فوق الصخر ماهو مثل كتب الطباشير
يابدو ياللي سبرتو البرق في غزر المخالـي

انته وانا ياعبيـدالله علـى كـف المقاديـر
ولا نحلـل حـرام ولا نحرمـك الحلالـي

@@@

عبيدالله العرابى

ياطير ياللي جناحينك معك مـاودك تطيـر
والشر والخير موجوديـن مافيهـا جدالـي

اللي ورى الضلع عيّت لاتقربـه المناظيـر
دونه يحول الجبل وسعيـد عينـه للموالـي

@@@

سعيد ابوديـه

خيـال ولا حقيقـه مالهـا معنـا وتفسيـر
اتقنت فن المعاني فلسفـة شاعـر خيالـي

مثل ماقال المثل والسر يابو زيد في ا لبيـر
والبير جمة صفا يللي جبدتو الدلـو خالـي

@@@

عبيدالله العرابى

ياللي بيدك القلم وش لون خانتـك التعابيـر
وإنته تمد اليميـن ولانمـد إلـك الشمالـي

جساس مايدري إن كليب وصىّ سالم الزير
ياسعيد ابو ديـه المـا ماجذبـه ألا حبالـي

@@@

سعيد ابوديـه

انا اشهد ان حكمة الشاعر تحير ابها التفاكير
لاشك موج البحر يصفق ويلطم كـل جالـي

تكفيرة الذنـب تسبيحـه وتهليلـه وتكبيـر
وانا معا سجة الطـروق شديـت الرحالـي

@@@

عبيدالله العرابى

أنا أشهد إن القدر مكتوب ياراع المحاذيـر
أبحتفظ بالرصـاص وبالجنيـه وبالريالـي

الذوب عند النحل والدر في ديوس المغاتيـر
وليا حسبت المكاسب ماخذلني راس مالـي

@@@

سعيد ابوديـه

بين الرجا والامل ما قدر الرحمن بيصيـر
ون حدني الوقت فافزع لا تخلينـي لحالـي

ون كان جا من طرفنا يطويل العمر تقصير
استر ماوجهت لاتشره لون الصبـر طالـى