نبي نـــــمر الديار اللـي تســر النظر = وياللاسف خالـــيه يومن مريتها
مدري ظروف البشر والاظروف الدهر= والا توتر يالنشامى مطفين ليتها

ارفق على هون والعالم بسكة سفر = والعنكبوته تبي تبني طرف بيتها
مير البلا من نفر زعل ثلاثة نفر = والددسن اللي توصلهم نشف زيتها

يابو جمال انت شاعر فالبلد مـعتبر = ياقاضي القــــوم ليه القوم خليتها
عندك خبر والعرب تبي تعرف الخبر = يومن حي العرب يخطي على ميتها

صليت معكم صـلاة العصـر جمـع وقصـر=الله يـقــبــل صــلاتـــي يـــــوم صـلـيـتـهــا
سافرت ابي خمسة اشهر وانتهيت بشهر=غـثـنـي اهـــل النـمـايـم وانـــت غثـيـتـهـا

طلبت مهر الهنوف ولك دفعت المهر = وغيرت نيتك والســـكين حديتها
وحنا المـواليف طال العلم والا قصر = ويمناك تبقى طويله يوم مديتها

دفعت عشرين حاشي لكن اسمر عبر=راحـت مـع الجـال لاجتنـي ولا جيتهـا
نبقـى مواليـف يـا مجطـل بليطـح امـر=مـاوده أظهـر علـوم ن عنـك خفيتـهـا

حنا نزلنا الخطر ولا نزلنا الـــــوعر = وحدودك اللي رسمته ماتعديتها
كل السبب من هنوف(ن)ماتفل الشعر= نادتني البنت وحبتني وحبيتها

انزل من الخطه الخضرا لشرق الحفر=وان جـيـت مـكـة تقـيـد فــي مواقيتـهـا
والبنت قامت تصلفق مثل لمح البصـر=وانــا تعنـيـت والـلـي شاقـنـي صيـتـهـا

اما رغا الهرش والا مــــــع طريقي هدر= تسلم لي الرؤس ليامني تحديتها
انا على الخصم دايم عــلعت(ن) فالنحر = وسيوفك البيض ليه اليوم رديتها

موضوعنا ضاع ياحاشي ذبحك السهر=والـــلام زايـــد يالـيـتـك قـبــل غنيـتـهـا
خابـرك علـة ولكـن جـاك مـوتٍ حـمـر=ياويـلـك ان كــان عيـنـي فـيـك لديتـهـا

انا ادري انك كفو والراس يقدح سـطر = ماهي غريبه عليكم يوم مشي تها
انته على الشعر والشاعر سوات المطر= ياطيبها يابن عمي يوم ســـــريتها

حرب الشوارع تسبب يابن عمر= قهرومــع اقـربـا الــدم والله مــا تمنيتـهـا
العب على ما تبـي حتـى يبيـن الفجـر=مجطـل مـا علمـك بالعـمـه وحلتيتـهـا

لا والله الا تدق اليوم راس الوتر = لو الهــــزيمه لمثلك ماتمـــــــــني تها
رزق البشر كافله ياذيب رب البشر= واكبر شرف يوم معك الرجل سجيتها

لو تنشد الناس قالوا شايبك منتصر=حاولت ترسل علي كـوره وصديتهـا
لو تدعي بالغنـاه اعيـاك كثـر الفقـر=طــف الـزقـاره ورجعـهـا لباكيـتـهـا

لله درك على بيوتن سوات الدرر = مافيك حيله علي النار شــــــبيتها
الارض ضاقه ولافيها مطير ومفر= نار الحرائب معاكم غصب طفيتها

نتيـجـتـي مـعــك بـالـمـيـدان واحــــد صــفــر=ومـيـعـادنـا فــــي ديـــــارٍ مـــــا تنـاسـيـتـهـا
واشكرك من قلب صافي واشكر اللي حضر=بـديـتـهــا بــالــكــلام الـــجـــزل وانـهـيـتـهــا