يالله يامديـر الهبايـب والأفـلاك=يالواحد اللي ماحدٍ حـال دونـك
كريم تعطـي ماتـردد عطايـاك=يالله ياللـي ماتغمـض عيـونـك
انك تثبتنا علـى خيـر حسنـاك=في موقفٍ كل المـلآ يرتجونـك
من بعدها بهدي تحيـه لشـرواك=يالوافي اللـي لابتـك يدهلونـك
الطيب واضح دايماً فـي محيـاك=يالضيغمي كل العرب يمدحونـك
الطيب والطولات في كف يمنـاك=ودوس المعالي من قديـمٍ فنونـك
عسى الردي يابن علي من فداياك=اللي الآ اعتزتـه يـزود غبونـك
الله يرحم من على طيـب ربـاك=للي على درب المراجـل يبونـك
من لابتٍ يوم المغـازي والآدراك=لباست الجوخ الحمـر يعجبونـك
عز الرفيق اللي بلاضياق ينصاك=في مجلسٍ عصم الشوارب يجونك
ياعلنـا دومٍ علـى العـز نلقـاك=في موقفٍ كل البشـر يغبطونـك
هذا سلامي عطر ياعزوتي جـاك=ومسك الكلام انا اطلب الله يصونك