ابليه حمله ماشالوه المفاريد=يشيل حمله ياهل العرف كله
وذاك الاسد ماشيف يمشي مع اقريد=لان الاسد اتخوفك مشيةٍ له
والذيب لاعوا ترى عويته كيد=ناوي على الغارات ودربه يدله
والحر لامنه شهر عالي الحيد=من عادته ياخذ على الجول صله
ورجل المواقف لانفتل قدمه القيد=بالعزم والتصميم عقده يحله
يصبر على الشدات وبلوى المقاريد=ماحدٍ زحزح ذاك الجبل من محله
وكثر الحكي ياهل المواجيب مايفيد=لاصار مايبري مداخيل عله
هذا الكلام اللي نقوله تراديد=ويدوِّنه راع العقل في سجله
اقولها ومارد عقلي لابو زيد=دام الكلام اللي حصل جايزٍ له
اشوم نفسي مالتفت للخثاريد=انا اكبر من ازعل على شان شله