ياطير صدري ضايق اليوم بالحيل = والصبر من روحي خذاله جلاده
احمل معاك ابياتي بنكهة الهيل = ومن فوق حايل انثره وأبركاده
اشتقت له شوق المحبين لليل = وشوق الاسير ليا تذكر مراده
حبه بقلبي صدق ماهو تماثيل = طبع بروحي حبها وبأراده
ديرة هلي شمر هل السيف والخيل = عدوهم ذاق القهر وبنكاده
يوم اللقأ تشهد رقاب الرجاجيل = بسيوفهم تخضع لهم كل ساده
يارب جعل اعمارهم بالتساهيل = وتجزاهم الجنة بيوم الشهاده
لبيه ياحايل عسى روضك يسيل = ويعمك الكوثر بخير وسعاده
حايل ولابي غير حبه تفاصيل = ألبسهَ من نظم شعري قلاده