الديره اللي تفتخر به رجاجيل=شوقي لهم والله مـاحـده فـواد
أطرب لهم لانوخ الفكر بالليل=وأشتاق لمصافح سواليف الأجداد
هم سعد من راد في حظ بخيل=وهـم ظـيـم ظـالـم وجـلـد جلاد
هـم هيبة الدنيا بـأبـسـط تئاويل=وهم فخر أرضهم دونْ الأجواد
هم الـزنـاد اللي يـعـدل الـمـيـل=وهم السيوف اللي تجابه زنــاد
هم الغيوم اللي تكون به السيل=وهم البروق اللي يصارخ به رعاد
تشهدلهم خيل(ن) إذا تنطق الخيل=وتشهدلهم روس مالقت لأجسامها إسناد
وتشهدلهم رمضى غدت حمرا بـ ليل=يوم السيوف الشطيره تطرد إطراد
يوم الخلايق تغرف الطيب وتكيل=هم يغرفون بدون كيل ولا أعداد
في صفحة التاريخ تلقى التفاصيل=يوم القلم يكتب بيدين الأجواد
هم لابتي هم عزوتي عز الدخيل=طنايا والطنا ساكن(ن) لب الأفواد
شمر هلي يامدور أفعال الرجاجيل=دونهم ماتكمل أبد والله أعياد
أفعالهم لو جيت اذكره بالتفاصيل=يثقل على لسان القلم ذكر الأمجاد
في مدحهم تاطى حروفي على القيل =لإن الحميا بمدحهم تضرب زناد
والديره اللي تفتخر به رجاجيل=ذولاك شمر حظ من يطلب إسناد