الهنوف اللي لها شعري يميح دليه = جادلاً قامت على اقصى هاجسي تحداني
يستوي فيها القصيد بنشوةّ شعريه = يستبيح اقصى ضلوعي طوع مايعصاني
ياعيون مذيراً شاف الونس عصريه = دق فوزه للجفيل وتتبعه غزلاني
كل ماقالو مشاعل قلت يا الله حيه = لوهو اسماً مايخصك له لشخصّ ثاني
لاكن انه فيه منك الرمز والماريه = وانت لك با اقصى ضلوعي فاتحن ديواني
شرهة العاشق على هاك الضلوع النيه = ليه مانجضت وهي في وهجة البركاني
اعرفك طفله صغيره تلعب الغميه = لين صرتي مهرةّ تبلش بها الفرساني
واعرفك قبل الضلوع تعانق الحنيه = لين صارت تقحم الشاعر على القيفاني
لك في ضلوعي مكان ومستقر وفيه = ودام جيتي بالمحاني بغلق البيباني
يامفاهيم القصيد وحنكة القافيه = اكتبي مالاج في صدري على خلاَني
بالعيون اللي كما زرقة رماح الهيه = اشهد انه صابني عذب اللما وافناني
ان تثنت خيزرانة زايد المثنيه = كنها باالزيت مغذيه غصين الباني
اقبلت مثل الاصيل بساحة المنقيه = جابت الاول وشامت عن مقام الثاني
ماعشقت الا عنود تبيح المخفيه = عيطموسّ تاخذ قلوب الغلا مجاني
ياوجودي كل ماهب الهوى عصريه = وياوجودي كل ما جا لك سمياً ثاني