بالقبور احياء توشك ان تخيس=من كتاب الله تتلو الزلزله
مايعرفون الثلوث من الخميس= تحت انقاض الحياه المهمله
والوطيس اللي زما فوق الوطيس=بالجمال اللي تهدر ومعقله
ياصواعق نجد في ضل الرئيس=من يفك رموز حل المسئله
وياوجودي كل ماضب العسيس= في دجى ليل(ن) كئيب من اوله
لا متى والحض يدفن لي دسيس= والأيادي بالحديد مكبله
والهموم اللي خذت دور الونيس=منين مالديت جتني مطبله
كل حزه يعتلي المحجر حبيس=والخدود من الجفى تستعجله
ان حدر وش ضل بالعزه نفيس=وويتجوّد بالرموش وتنتله
بالشموخ اللي غدابي مغنطيس= والله ان لولاه جتك مهلهله
تقرع اجراس التعاسه للتعيس= من صداها في ضلوعه جلجله
كان الزمن غدار فالواقع خسيس= كلهم يمشون عكس البوصله
محمد مرغل البلعاسي