الموضوع
:
ديوان الشاعر / محمد ضرمان الشولاني
عرض مشاركة واحدة
08-11-2010
#
7
بيانات اضافيه [
+
]
رقم العضوية :
2409
تاريخ التسجيل :
10 - 10 - 2010
أخر زيارة :
15-01-2015 (02:01)
المشاركات :
575 [
+
]
التقييم :
10
اوسمتي
لوني المفضل :
Cadetblue
غلطان ما تنهان فالحب اشانيب
صبحكم ومساكم الله بالخيرات جميعا
عادة ما يكون الانفصال او الخلاف بين اثنين بسبب طرف ثالث فتجلت هذه الابيات في قريحتي.....
غلطان ما تنهان فالحب اشانيب .. ..
عزاه يا قلبٍ كما البن محموس=تلعب مخابيط العنى فيه تقليب
وسط النجر دقه يعاني ومحبوس=مابين دق الخل والماو تعذيب
سمع العذول الدنّ عالي ومجروس=هيف على المجلس يبي كيف تجريب
والقلب فوحه من على الجمر مركوس=جمر العتب والصدق مجزي بتكذيب
زلَّ الحكي والقلب مبلي ومحيوس= في دلة العذال فرصه وتثريب
ولا لفّ فنجال الجفا كف مخموس=اتركْه علِّه صدّ عذِّب زده ريب
عزّاه يا قلبٍ تواليه متروس=من صدَّة المعشوق همٍّ وتكريب
يا شين وقت الحب تاليه مطموس=لا صار قلبك كيف والشين شريب
يا جعل راس الشين مفري ومنكوس=في صدَّة العشاق يسعى بتخريب
ولا يعاني باقي العمر مضروس= ولا عليلٍ ما لقى حلّ تطبيب
دخول ثالث بين الاثنين محسوس=ترصدْه رادارات قلبي بتعقيب
وأنا عطيب الجرح والهم ملبوس=لا طاب نصف الجرح عوَّد بتعطيب
يا طول ليل الصدّ والحلم كابوس=لا صرت انادي طيف ولا به امجيب
يا كنز عينٍ دونه الليل محروس=طال انتظاري والهدب صابه الشيب
يا صاحبي اقرا كتابٍ ومدروس=حكي العرب مفهوم من دون تعريب
كلّ ما زاد الوصل طابت انفوس=انعيش حبٍ صافي ٍ دون تشويب
خلَّ الوفا مسقاك والحب مغروس=في مشتلٍ تبغيه نفسي بترغيب
والشين عن مشتلْك منفي ومرفوس=خلّه يذوق الهم يبلى بتغريب
درب الهوى ظلمه والاشواق فانوس=خل شوقنا شعله بروس المراقيب
درب الهوى ما زيَّنه ذيل طاووس=درب الهوى جمرٍ وطتْه العراقيب
بنك الغلا ما يرفعه مال وفلوس=يرفع رصيد الحب وصلٍ وتقريب
وإن كان قصدك حب تخضع له الروس=غلطان ما تنهان فالحب اشانيب
وسلامتكم،،،،
فترة الأقامة :
4972 يوم
معدل التقييم :
زيارات الملف الشخصي :
74
إحصائية مشاركات »
المواضيـع
الــــــردود
[
+
]
[
+
]
بمـــعــدل :
0.12 يوميا
محمد ضرمان الشولاني
مشاهدة ملفه الشخصي
إرسال رسالة خاصة إلى محمد ضرمان الشولاني
البحث عن كل مشاركات محمد ضرمان الشولاني