جرح قديـم ولا لقـى مـن يداويـه=يزداد بي جرحـي والاوهـام باوهـام
ياكيف ابدله واتـرك الهـم واطويـه=والجرح ينزف والمشاعر بـه سقـام
جسمي نحل والشوق يصرخ يناديـه=والقلب كن الشوق يزرع بـه الغـام
خلـه يجـي ويلـم جرحـي بياديـه=الجرح ذابحني وانا اعيـش باحـلام
وخلوه يرفق بي وانـا دايـم ابكيـه=ويعالج جروحي على ديـن الاسـلام
يـوم يجـي واربـع ليالـي مقافيـه=كني بنجد وكـن خلـي ورى الشـام
تعبت بين الحـزن والنـوح والتيـه=وتعبت مـن كـز المعاذيـر بالـزام
وان كان عندك من عناء الوقت تشويه=قلـي ولا تقتادنـي حبـل الاعــدام
انا عزيزه نفس واسمـي لـك ابديـه=عز وشرف طهر ونقاء يابن الاحشام
الناس قالـوا راعـي العلـم يبديـه=واليوم هـاك العلـم حطيتـه وشـام
ان كـان ذا سلمـك وهـذي مواريـه=لف العصايب واربط البطـن بحـزام
وخل الذي غروك فـي لحظـه التيـه=يبنون بيتـك فـي سراميـك ورخـام