يقول لي ربي واعرض عن الجاهلين
قال لي لوجتك فرصة تفتش بالقلوب
قلت له لو جاتني صدق ما فتّشتها
دامني لا جيت غالي ومْقدَّر ومْحسوب
قيمتي خلف الكواليس ما نبّشتها
لو براقب كل هرجة قفي من كل صوب
عشت عيشتهم وأنا عيشتي ما عشتها
طلقةٍ ما صوّبتني .... بتقلعها الهبوب
طايشه .... وليا تجاهلتها طيّشتها
التغاضي والتروٍّي ... يعيشك مْهيوب
والصغار تزيدها قدر ... لا ناقشتها
الحسد والحقد والبغض والغيره تذوب
من قلوبٍ ما تدانيك ..... لا همشتها
والأوادم عن هروج القفيا ... ما تتوب
لو تلحفها رموشك .... عقب فرشّتها
آكلة لحم البشر ناس جوعانه ذنوب
آكلين .... ليا تضايقت وان طنّشتها
دام ما في يدينها لا شروق ولا غروب
خل نفسك في تغاضيك ضافٍ بشتها
سلطان بن بتلا
|