عطني دروس القاف ابغى تعلّم=ابيك تشرح كيف صوغ المثايل
ودي تعلم منك كيف أتكّلم=ويمكن اقول شلون جلْ الفعايل
لاتضن ريش الطير لو جاء مقلّم=يقلب حمامه في طروق وسايل
يرجع يقرنس في هدده يتولّم=يعود يكفخ في فضاء الكون شايل
لو شفتني صامت ترا ماتبلّم=أسكت كرامه ماأبي قول قايل
مابي يقول النذل بالهرج علّم=ولابي يجيني طش من طوش عايل
لاشفت منهم واحدٍ جاك سلّم=ودس بسلامه سم والسأم سايل
أبْق بوهمك المحترم به تحلّم=شوف السراب أضمى عيون المخايل
الْقط ذنوب الكذب وللتيه لملّم=من عاش بالحيله يموت بتحايل
يقلب نهاره ليل والليل أظلّم=خفاش يبقى بالظـلام يتمايل