لـعـنـبــو شـــعـــرً كـتـبــتــه ولا جـــابـــك=كـان منتـي شيخـة القـصـد بحـروفـي
كان ما قلت القصايد على حسابك!=منهي الي تلمس الجرح في جوفي؟
ان نـسـيـتــك كـــــل عـــــرقً تـغـنــابــك=ليـن ياخـذ زبـدة الهـرج مــن شـوفـي
وكـل طـاروقً وقـف بـي علـى بـابـك=ماسئلـنـي فـيــك وشـلــون مـعـروفـي!
ان تــبــعّــدتــي تـــقـــربـــت لاســبــابـــك=ليـن ياصـل بـي امـانـك ورى خـوفـي
وكـــل قـصــه ضـمــه الـســر بـكـتـابـك=لــــو قريـتـيـهـا تـحـسـيــن بـضــروفــي
وقـتـهـا تـدريــن وش صـــار بغـيـابـك=فــي زوايــا وحـدتـي منـهـم ضيـوفـي؟
(الـهـواجـيــس) الـكـفـيـلـه بـمـضـرابــك=يـوم انـوض وحيلتـي صفقـة كفوفـي!؟
داريً بـالـدمـعـة الـــلـي ورى اهــدابـــك=يــوم تـذبـل عـبـرة الـحـلـم بـعـزوفـي؟!
وادري انــي يــوم اسـمـيـك ابشـقـابـك=قـدرت الله وانتـي اكبـر مـن حروفـي