قصـرت بـك يالغاليه ســـامحيني =اخطيت في حقك على غيــر مقصـود
عيٌا الزمان الشين يرحم حنيني = وصـار الامل من دونه الـدرب مسـدود
بُعدك عذاب وضيٌـق الارض فيني= حــيً ومــا كنـي مــع الناس ماجـود
يا اغـــلا بشر يانور قلبي وعيني = للمـوت مـــا ينقص تـــرا حــبك ايـزود
يفداك عمري مع شرايد اسنيني = ومــا تملكــه يمنـــاي مــع كل مجهـود
انتـي فقـط لــو البشر مـا تبيني = مــاهمنــي غيــرك ولا كــل مـــاحـــود
والله ما انسى معانقـك باليديني = ماانسى حنانك والليـالي لك اشــهود
ما انسى حضينك يوم اهو يحتويني =امــوت قبل ان ياصــلك منــي اجحـود
حـبك ابقلبــي ياالعريبه دفينــي = بامـر الولـي مــع نابض الــروح مـرصود
يا اجمل قصيده سطرتها يميني ,=انتي بحــر قيفان شــعري بـلا احـدود
يمــه يا اعظـم هـاجسً يعتريني = يمـــه يااصـــدق وانبــل الحــب وودود
يمــه يا بلسم ضيقتي والونيني = نبــع الوفــا ظل الدفــا مصــدر الجـــود
ياكُل شــيً فـي حياتي ثميني = ومــن عقبــك الايـام يالغـــاليه ســــود
اشــوفها لــون الظـلام الحزيني =ومن عقــب زولك مابهــا شـي محمود
يالغـــاليه باللــــه لا تتــركينــي = قبلك عســـاي اكـــون بالقبــر مــلحود
عسى المرض يالله عنها يجيني =وعساي مـا ابكيهـــا ولا كنــت مــولود
بفــراقهـــــــا ياللـــه لا تبتلينـي = طـــالبك انـــا يا اللــــه ياخيــر معبــود
انقص من ايامي وعطها اسنيني = يامفـــرج الشـــدات عـن كل مظهـــود