الاسم :-
أسمي هيام ,, ولابتي مايعدون=من عزهم كل "الأسامي" نسيته
وحزام راسي شمر,ن يوم تطرون=فخر الهنوف اللي تفاخر بصيته
العمر :-
طبع النساء ’’ فينا ومنا عرفناه=ممنوع ذكر العمر في ساحت النت
مكان الاقامة ؟
دار اليمامي بعض الاحيان لي دار=واحيان لالا نبتعد عن وطنا
دامه إقامه مجبره كلّه اخطار=مافيه داعي نذكر أنّا اقمنا
تخصص الدراسه ؟
خلف الستائر بنت يعرف ونينه=تخفي كثير حروف عن برد لاسع
تخصصه جرح القلوب الحزينه=ودراسته حلم,ن على اطراف واقع
العمل؟
.............
نبذه بسيطة وبطاقة تعريفية عنك ؟
بسيطه تجهل الواقع ,,حزينه تبذل المجهود=رزينه قلبها يافع ,, ولاتدري وش العلّه
يتيمه والقمر ساطع / جريمه والليال شهود=كبيره كبرها راكع ,, ‘الى رب البشر كلّه
اول قصيده كتبتها؟
يابوي رحت وعقبك الهم به طحت=ولالي مخارج بالحياة ونظامه
هذي ثمان اعياد يابوي مارحت=في غربتي من غربتي لليمامه
وهذي ثلاث اسنين يابوي مابحت=ماغير أسلي دمعتي بإبتسامه
لاشفت أنا حايل ولابه تفسحت=ولا شفت قصر الرشيد ويمامه
قصيده تمنيت انك كاتبها؟
كثير وآخرهم قصيده للشاعر عبد الكريم الجباري
منها
النجم لولا موقعه فوق مابان ...إلى اخر القصيده
ماعلاقتك مع النقد للشعر الشعبي وهل انت ملم عن النقد او هوايه تحب ممارستها وهل الناقد الشعبي
مفقود ام موجود؟
مالي علاقه فيه ابد واحب اللي ينتقد ولا ينقد
موجود والدليل البرامج الشعريه والمواقع الالكترونيه
ماهي وجهة نظرك تجاه الساحة الشعبية ؟
وصلت للذروه
متى أكتشفت موهبتك الشعريه؟
يوم انفجع قلبي قبل عشرة اعوام=عامين مع عشر,ن بدايت مسيري
ومارأيك فيمن يقول ان الشعر
وراثه وليس موهبه او العكس؟
الوراثه اقوى ويكفيك عفويتها مو مثل الموهبه وصقلها
لانه راح يكون مقلد لشاعر ماراح يكون له منهجه الخاص
هل تاثرت بشاعر ؟
هو فيه شخص,ن ما تأثر بشاعر؟=شاعر امير ومنهجه منهج انسان
شاعر جميل وباح كل المشاعر=طلال ابو نواف مثله فلا كان
هل للشاعر ملهمه كما يقال ؟
التاريخ والحاظر
مارأيك في تجاوزات الشعراء على بعضهم من ناحية القصائد او اللقاءت التلفزيونيه ؟
شفنها قبل ايام والحديث (ان لم تستحي فأفعل ماشئت)
لو تذكر لنا أسماء شعراء قد حازوا على أعجابك في الساحة الشعبية ؟
ابن فطيس ومهدي الحيدر
ماريك في شعراء شبكه نشامي شمر عموما ؟
إذا السماء مملؤئة,ن بالكواكب=تلئلئة للناس في لونها فوق
أنا اشوف اجمل واحسن كواكب=مقرها دار النشامى هل الذوق
حسب توجيهات من المؤسسين لشبكه نشامي شمر تم عمل ديوان لكل شاعر وتم إعطائه كامل
الصلاحية على ديوانه ماذا تقول في ذلك ؟
الله يجزاهم خير يارب ومشكورين
ولهم كل شكر وتقدير على دعم الشعراء
مالفت وحاز اعجاب الجميع وضع مدونه للاعضاء تكون خاصه يضع بها مايجول بخاطره وما يكنه من
مشاعر ماريك بذلك
أشوفها متنفس رائع ونقطة تحول
منذ تواجدك بالمنتدي ماهي الفائدة التي استفدتها أنت شخصياً من هذا الموقع ؟
ليقت جمال الحرف الغايب عن اكثر الاماكن
نتمنى منك قصيدة من جديدك لنختم بها هذا اللقاء ؟
ماوديها اكثرها هههه نزلتها بالمنتدى بعنوان (حب الجبل) بحااااايل
كلمه تنهي بها موضوعنا؟
مشكوره شاعرتنا عنود الصيد على الاستظافه
والف شكر لنشامى شمر عدد ماخانت التعابير
وحنا معكم دايم وانتم حاظرين لو غبنا
من ترشح من الاخوان او الاخوات الشعراء بعدك
الشاعر "فواز الغسلان"