يااول غلا ياآخر غلا يانهايه=لهفة عشق عايشتها وخدعتني
ياارق وألطف من جنون الحكايه=لحظه عظيمة وقفت واذهلتني
صكت شبابيك الهوى من ورايه=راحت ومن ضيم الجروح انصفتني
كبتّ ورود الشوق خلف المرايه=شالت صناديق الغلا وجهلتني
عانقتها واهديتها من عطايه=لحفتهاّ عمري ولا حاسبتني
لهفة جنون العشق صارت روايه=كتبتها بدموع صمت وقرتني
اثريك ياليل المعناّ بدايه= لو ابتعد قاصي نجومك ضوتني
ياليل ياليل الشقا والغوايه=وين السنين اللي مضت واحتستني
وين الغلا وين الحبيب ودوايه=بعده ملاهيف الضلوع اوجعتني
وين الليال اللي سهرها معايه=في ضحكته خطوة فرح وافهقتني
حجرّ على قلبي بصك الولايه=وعينّ جروحه بالصدر واحكمتني
يلعب بقلبي لعب حمال رايه=لامالها صلف الهوى واخضعتني
سقاك ياذاك الغلا من حشايه=برد وسلام ودمعتن عاتبتني
تقطف لك الذكرى ورود النهايه=لو انها في عمق جوفي كوتني