انـا بي عــادةً قـشـرا ليا ضاقت علي دنياي=الـوذ بـكـلـي الـضـايـق لـبـرٍ ما يجيه انسان
زهابي شنطة دلالي وهبرة ركـبـتي مركاي=وابهر دلةً تـقـعـد خـلايـا راسـي الـخـرمـان
واصف بجنبها غوري عراقي ثـقـيل الشاي =اشيل الصوت بالحاني واحيي خاطر القيفان
الا منه عوا سرحان جاوبته بصوت عواي =واقول اقرب ولا تاصل حدود الضوء ياسرحان
لعل الجرح ماينقد على قافي ولا معناي =لان الشعر يالغالي وهايب من عطا الرحمن
هروبي عن زوايا الدور وعيون الحبيب دواي =ماتسمع يا عسى ماجاك شر ولانته بزعلان
لو تجاوب على واحد ترى الثاني سؤاله جاي=تسكر باب و العالم تفك من الغثاء بيبان
سلاحي اية الكرسي وصمام الامان دعاي=لوحدي ماحسبت حساب انس يمر والا جان
بصبر ايوب في بلواه ابث لخالقي شكواي=عسى ماني ضعيف ايمان والجاهل سليط لسان
بصمت الكاضمين لغيضهم صابر على بلواي=لان الله عظم اجرهم في محكم القران