زفرتين .. وعبرتين .. وآهتينٍ جن سوآ =كنهن متواعداتٍ مع " صهيلي " للوطن
قلت ياقلبي تصبّر قال لي مالك لوآ=شوقك وغربه مشاعر فوقها ضيق وشجن
فارس تقود السفينه عِند والــــــدنيا هوآ=لاتكل ولا تمــل ولا تهــاب ولا تــون
وانت ياقلبي تشيل الحمل لو غيرك ثوى=صامدٍ مثل الجبال الشم في وجه الزّمن
ذيب دمع العيد في خد الغريب اليا عوى=من يصده من يرده عن حنينه لايحن
ضامي تراب الحنين وكثر مِزْنه مارُوى=يابِسَه لَهَاه شاعِر ينزف القاف ويعِن
ذابِله نِشف العُروق ولا لقيناله دُوى=غير ذِعذاع الشّمال اللي لصَدري محتضِن
سُبْق طيري ياغَنَاتي شدّ قيدي والتُوى=زوّد الحِمل وكُفَخ طير الحنين ولا طُمَن
ما انفطر قلبي غرام ولا انتثر شِعري غَوَى=سيْل غُربه شاعِرِك شقّق شِعَاب وله لحَنَ
دكّ حِصن القَلب هاك الوَجْد ولهَدْمَه نُوَى=شَلّ عقل وهدّ حِس بعبره(ن) فوق الوُجَن
طاغِيه لحْظه حنين لموطني خيلي طُوى=ناطَح البَيْدا هَذيب وشوقي يقود الرّسَن
ماسِك(ن) شوقي مطارَح بس لذراعي لُوَى=ليله العيد انتصر خَصْمي ولآهاتي مَكَن
وانت يابَذْره غَرَام بليلي الحالِك ضُوى=اثمرت نُواه عشقك ريف واثمَر بَه غصِن
استظل بظِل طَيْفَك شِعري المُرهق أوى=وآحضن طُيوفَك وانَام وكن صَدْرَك لي وَطَن
استَفَاقت كل عَبْرات الحنين وجَنْ سَوَا=وذابتَ اشعَاري على بيض الصّحَايف واستونّ