القلب يبرم بالهواجيس ويدير=من جادلن جتنا طوارف طروشه
قام الفهيم وصخر القاف تصخير=قرايضن ماولفتها الدحوشه
والله يالولا باقي الناس لاشير=واخاف من ناسن تنثر قشوشه
لاقول عجو باالبنات الغنادير=وعزي لمن له عشقتن مايحوشه
متصورن منبوز الارداف تصوير=سمحوق وشحا نايشتها عطوشه
لابا القصار ولا الطوال الطناطير=ولا بالغلاض ولادقاقه نشوشه
وخده من الموت الحمر به دواوير=وكن الصعيوي دورجن في نقوشه
خده عفر دوبه شقاحأ بتذكير=يشدا لميع السيف في وسط هوشه
وثنيوات الترف غرن مغاتير=من شافها يسقم بليا معوشه
والعين عين اللي بروس العناقير=نجلن سوادعيونها مع رموشه
ابوجديلن فوق متنه دعاثير=اشقر وملبوك الخضيري رشوشه
نهده يشادي نابيات الحمــارير=عقب الهبايب ضار بتهارشوشه
والردف شط محيلأ له على ضير= امه جضور وراعيه ماينوشه
وسيقانها تحت الركب كالجمامير=وان سلهمت بالعين ترسل جيوشه
ماشفت مثله في جميع الغنادير=والفرق واضح بالذهب عن قروشه