بسم الله الرحمن الرحيم
ملخص محاورة شعرائنا لهذه الليلة ليلة الاحد 3
رجب 1434 هـ
بدئها الشاعر القدير نداء المفضلي
سلام تسـليمةً كـنه نسـيم الهـــبوب = تصغي له الاوس والخزرج ماتصغي لها
يامحمد النار شبه من شمال وجنوب= والقوم وصلت قـريب ومسرجـــه خيلها
الشاعر القدير محمد الذرفي
ياغالباً في مجال الشعر منت مغلوب = يامرحبا عد ماترخي هماليلها
أي والله أشوف وأسمع وأنت منت بكذوب = وسمعت بعض العــرب تصدح مواويلهـا
الشاعر نداء المفضلي
بك البقا يارفيقً بالرجــال محـسوب = من لابةً خصمها ياقف على حيلها
افعالكم تنعرف لاصار نارن شبو ب = يوم المـواقف تبـينها رجا جـــيلها
الشاعر القدير محمد الذرفي
حنا هل الحرب كان الناس تبغى الحروب = مبطي وشمر جموع الضد تلوي لها
لو يجتمع كل ماف الارض من كل صوب = الشمري قادراً يطفي قناديلها
الشاعر نداء المفضلي
من لايحصل على متن السفينه ركوب = يبــــلش بمـخراجها قـبل مـــداخيلها
ماغير الوقت ياكــود الرباء والذنوب = وعباد الاصنام مدري وش تصلى لها
الشاعر محمد الذرفي
أنا معك واحسبه حسبت نجاح ورسوب = اما لنا او علينا ينقلب شيلها
ان روحت قلت جعله ماتجي يامحبوب = وان اقبلت قلت جتنا غصب ياحليلها
الشاعر نداء المفضلي
القدس ياصاحبي صــــوته تجره طنوب = والامه النايمه وشلون تصحي لها
واليوم ضاقه على المسلم جميع الدروب= دنياك تبرم على الطيب محاحيلها
الشاعر محمد الذرفي
اخوك مادار فكره للعجوز اللعوب = اللي على من شقاابه مظلم(ن) لليلها
القدس باعوه مبطي والعرب ماتتوب = بغداد باعوه وشتالو محاصيلها
الشاعر نداء المفضلي
يامحمد انته خطبت ام الــدلع والذنوب = جهز لسلسالها واشتر خلخيلها
لاتستمع من يقول الماء يخض ويروب = عزالله أن الولد فايز على جيلها