رجعت بشوق لطيوفـك أدور درب للـنـسيان=نسيـتـك لـكن طيـوفك حـبـيبي زادت أشجاني
نـفانـي قـلبـك.. ولكن رجـعت المغـرم الولـهان=ورجـعـت أسايـر..الذكرى وآهاتـن بوجـداني
زرعـت الحب بضلوعي وجنـيـت البعد والهجران=وأنا غير الوفا..صعبه. تلاقي شي بأغصانـي
أمانـه..كـيف تـنسيني..! وأنا فـي دنيتـك.. غرقان=أمانه.. كيف تنـفيـني..! يا أول وآخر أوطانـي=
جبرت الحزن من شانك ورضيت أعيش بالأحـزان=وتجنـيـتي وأنا لرضاك أقول آسف أنا الجاني
نـزفتـك..دمـع بعـيوني.. ورضيت اكون بك خسران=دفعت أفراح في قلبي ولجـلك عشـت وحداني
رسمـتك شـعر.. بأفكاري أبد مايلـزمه شيطان=لأن حـبي يفـوق الشعر ويعـجز فيه شيطاني
كتـبت آسمك وانا اشكي صدود الوقت للجـدران=وأحس حتـى الجدار يقول..: ياخي ارجوك انساني..!
وصفت رموشـك.. بساحل وعيونك شاطئ وخلجان=ورحت آسافر.. ف بحرك وركبت أمواج أحزانـي
دخيـلك.. كيف ما أغرق..! وسباني طرفك النعـسان=نسيـت العالم بعينـك.. دخلت بعالم^ن^ ثاني
صدمني وقتي الظالم جنيت من الدهر حرمان=ونزل دمعي.. من الحسره يداعب.. ساحل أجفاني
سألت الليل..؟ من فينـا..! قضى ليله بحـزن سهران=وطالـت غربـتي في ليل سامرني وبكاني
وضاعت ضحكتي لكن وقفت احارب الاحزان=ورجعت ادور لدربك عساه الدرب يلقاني
ومشت في عيني آماني.. بلا وجهه ولا عنوان=وتاهـت وجهتي بحـبك.. ونسـيت اليوم عنوانـي
ورجعت أدور بصدري بقـايا جـرح أو أنسـان=ادور دنيا اسكنــها انا واشلاء اشجاني
نفانـي.. قلـبك ولكن رجعت المغرم الولهان=ورجعت أدور بقربك..دروبي وديرة اوطاني