الحديث اللي بصدرك لايخنق انفاسك = اطلق إسبوق السوالف قبل لاتخنقها
انت تكتم لك بصدرك مايهزّاحساسك = الشعوراليا انهمر كل الفياض اغرقها
قبل لاتمسح غـلاك اللي ملأ كراسك = قلـّـب اوراق الزمن من قبل لا تحرقها
قبل لاتخلط حديث القلب داخل راسك = انت تعرف في غروب الشمس من مشرقها
تعرف اللي مشتريك وبايعك من ناسك= وتعرف الدجال لو هو كلمته نمقها
وتعرف انك في فؤادي والهوى حباسك = لوتلوح بروق غيرك ماجذب بارقها
عزتي للي تصيبه فالهوى نعـّاسك = سهمها لوصاب صمك يالصخر يفتقها
لوعزفت اوتار حبك واشترك مرواسك =سمفيونية غلاك القلب لك ينطقها
انت غير الناس عندي ريـّحه هوجاسك =بير حبك ماتقاس اطرافها وعمقها
لاتروح بعيد عنـّـي والّعـنه خـناسك = يابعد كل العباد ونورها واطرقها