ياللي تحسب اني ليا ابطيت ماليبك=لاتتهمني باالجفاء وانـت عارفنـي
في كـل ساعـه يعلـم الله وديبـك=بس الحياء عن شوفتك حيل حارفني
ادرى شعورك واستحي من معازيبك=واخاف من شين النوايا يصادفنـي
يفزلـك قلبـي وارحـب وهليبـك=ادخل على الله وش طرالك تحلفنـي
صابرعلى ماجرالي مـن تعاذيبـك=واليوم ياغض النهـد لاتخالفنـي
يكفيك مني عايشن فـي لواهيبـك=في نار حبك واسني راعنـي شفنـي
الله حسيبك مادري ويش اسويبـك=ماغيرك احدن في حياتي مكسفنـي
يصعب علي يازين الاوصاف تجنيبك=وش عاد لوهو من الغرابيل كلفنـي
لعيونك ابشر حاضرن في مطاليبـك=مادام كل المعانـي بـك تشرفنـي
فيك الوفاء والامانه والحلا عيبك=ياقبلـة الله وش بقابـك يعيفـنـي