سميت بسمـك ياعظيـم الاراده=ياالواحد اللي مابعد غيرك ايـلاه
فيك ارتضي وفيك اقتنع بشهاده=واطلب منك عفوالخطاء بالمناجاه
ياعالمن بسرالنفوس وحصاده=وتعلم ضغينة كاتم السد ياخفاه
خلقت نفس بنفس بحزن وسعاده=وحسنت خلقاً مكتمل في مزايـاه
ولك مرجعه ماغيرسترك سنـاده=عفوك ولطفك مالغيـرك ترجـاه
ولك العباده مـال غيـرك عبـاده=عبدك بليا رحمتك رزقـه اخطـاه
انا دخيلـك عـن دروب القـراده=تسدد خطاي ودربي الليوم تقـداه
يارب عبـدك فاتحـاً لـك فـواده=فيك استغاث ورافعاً فـوق يمنـاه
تجعل لنا عندك نصيـب وسعـاده=يوماً كـلاً ينكشـف سـر بلـواه
بيوماً بهى يذهل حديث اللـولاده=في ساعتاً مايقدي العبـد ماطـاه
بيوم الحساب اللي عضيماً سواده=احصى العمل هوخيراً اوشريلقـاه
ونارن تنادي هـل يوجـد زيـاده=للي عصـو وستنكـرو ربنـا الله
والباب للمديـون يقفـل سـداده=ماتقبـل التوبـه ولنـار مثـواه
وصحاب اهل الخير يعرف بـلاده=برد وسلام وجنـة الخلـد ملفـاه
ومن بعدذكرك ياالكريـم بركـاده=نبدي لطاروق البيوت المسـاواه
ابمدح اللي لـه باالمجـاد عـاده=اللي لياضاقـة محايلـك تنصـاه
عز الرفيـق ليانعثربـه شـداده=سلايل اللي من على الطيب ربـاه
ابذكر اسمه مارضيـت الجحـاده=مزعل عسى مزعل سعيداً بدنيـاه
يشهد علي الله عضيـم الشهـاده=رجلاً تجمل بي فلـى والله انسـاه
اقـدر المعـروف وثنـي زيـاده=وجازي الطيب على قـد جـزواه
رجـلاً لياضاقـة محايلـك نـاده=مثل ابو ناصر باالملازيـم تلقـاه
ماصـد صـدات اللئيـم الرفـاده=اللي على نفسـه بخيـلاً بدنيـاه
جمع المبالـغ مهنتـه والنقـاده=وان طاب له يوماً تعوذ من اتـلاه
هـذاك مامـادك قريبـاً لـمـاده=تكرم ويكرم صاحب الطيب والجاه