كل الاحـــــــلام كذبة لي نسجها الخيال=إلبس الثوب ياللي كل عمــــــــرك وهم
عبرتي فوق خـــــــــــدي خلدتها الليال=والشقــــــى سَم روحي وارتويت الندم
أشـــــــرب الهم واتنا من سرابي زلال=الأســــــــــــــــــى يعتبرني للمعاني قلم
والحــــــــياة تركتني والممات استحال=وش تبي يا عـــــذابي ياقياد العشم
ياغشيم المشاعـــر مابكينا دلال=ولا هجــــــــــرني حبيب ولا حبيبٍ ظلم
ليت بوحـــــي وطرقي لابسات الجلال=كان شيِفت جروحي ما حواها العدم!
غـابت الشمس يالله يالغصون النحال =هـــــــاك سرب العباير والقهر والألم