من يسد بغيبتك ياهي مريره=ان تفقدت الزوايا مالقيتك
ما خبر نفسي تعاتبني كسيره=لين في ليلي تعنيّت وسريتك
صرت انام الحزن وعيوني سهيره =رغم هذا بالمتاهات احتريتك
موحشه دنياي واحلامي فقيره=والله اني في غيابك مانسيتك
كل لحظه تفتح الاوهام سيره=في خيالي شلت خفاقي وجيتك
انتهت دنياي وايامي قصيره=ليه ماتسمع حنيني لا دعيتك
مندفع قبل الامل يلقى مصيره=بعت عمري للمواجع واشتريتك
ان بكيت اقول ياعيني كبيره=وان ذكرتك قلت ياكلي فديتك
والغلا مجنون وذنوبه كثيره=احتواني موطنه لين احتويتك
ليش اعبر والعنا عبّر اثيره=تتعب الابيات وانا ماحكيتك
لكن الايام ماتخلف مسيره=كم طريقٍ ضلني لين اهتديتك
والنهايه موجعه مره مريره=والحقيقه ضقت لكن مابكيتك