انا لا جيت ابوصف لك شعوري حرت مدري كيف ؟=كثير اشياء تجعلني افكر فيك واتأمل
حنانك طيبتك حتى هذا الطبع مو تزييف=حروفك والحكي لاجاء من اشفاهك يكون أجمل
إلى من غبت عن عيني يلازمني كثير الطيف=اهوجس بك مادام انك بعيني دايم الأمثل
سكنت القلب واحساسه وصرت بداخلي (تعريف)=( يوضح صورة الخاطر لمنهو دايم ٍ يسأل )
تعال وشوف في قلبي غرام ٍ للأبد ماشيف=كتمته داخلي فرحه ( دخيلك خلها تكمل ) !
سعادة خافقي تكبر بذكرك وانت عندي ( الكيف )=اذا زاد الحزن فيني تجيني ( خير ) وهو يرحل
رفيق البال .. لاا تبعد ( ابيك الظل وقت الصيف )=( وابيك الشمس في بردي , وابيك تكون لي منهل )
( وابي منك تعاهدني ) .. عهد ماخالطه تحريف=نخلّي صفحة الامجاد تبقى ( خير مستقبل )
انا وإن جارت الدنيا .. عليّ وشفت انا تكليـف=ابصبر إيه .. انا بصبر .. عليها ماني / مستعجل !
شعوري جاك في غفله عليك الباقي بالتخفيف=تداري حال من عــزّك وصرت بقلبه ( الأول )
انا لاجيت ابكتب لك كثير الشوووق مدري كيف ؟=يحيـر البال مااايدري , وحرفه منكم : يخجل !