تقدر تقول ان الهوى حرق الاعصـاب= وكبـدك وقلبـك كنّهـا وسـط ملـه
واسبابها هافي حشى ونظرة إعجـاب=وشيطان رمـش عيونهـا قاعـدٍ لـه
يرسل سهوم ٍ تعطب العاشق إعطـاب=والعافيه مـن عقـب طيشـك يسلـه
يا صرت مخلص والطرف ذاك كـذاب=لـك ملّـة ٍ وحـده ولـه الـف ملّـه
إقضبك عقب الطـرب درب الانشـاب=ميّـت احساسـه مـا نقـل هــم لله
جداه كثر الكهكهـه بيـن الاصحـاب=وكيبـور نـتّـه عاشـقـه مأيمـلّـه
زمان حـب الـذات سيطـر وغـلاب=وقـتٍ تغيّـر وانتهـى زيـن دلّــه
ناس ٍ تعشق الفين وتبدي بها اعجـاب=ماجاز فـي عينـه فهـو عشقـةٍ لـه
ومن غاب غاب ومن حضرسيد الاحباب=كلـش توفّـر فيـس بـوك ومجلـه
وايميل وماسنجر سحر لـب الالبـاب=تجمعـت بـه سـود الاجنـاس كلّـه
راح الهوى العذري وقـتٍ لنـا طـاب=أيـام طهـر الـحـب مـاتـوا هلله
الله يدخلـهـم بجـنـات واعـنـاب=ويغفـر لهـم رب البشـر كـل زلـه
وقت التقدم فيـه ظـن البشـر خـاب=وجهـه جميـل وفيـه مليـار علّـه
ياسيدي ناقف علـى اعتـاب الابـواب=ونـودّع الماضـي بـدقـه وجـلـه
ونكضم ولا يضحك لنا بالهـوى نـاب=إلا هـوى حـايـل تــرى مانمـلـه
اصدق غلا ضمنـه رمـوش الاهـداب=حايـل تضمـن واهتنـي واستظـلـه