اعلن زفاف الهم في ليل موتّ=روحي من جروحي على الموت هاوت
عانقني وضم الضلوع وتقوتّ=طعون حباً بالحشاء ماتشاوت
عروق قلبي من غرامك تلوتّ=ودموع عيني من فراقك تخاوت
ياللي عليك العمر للموت صوتّ=وين انت يامحيي عروقن تهاوت
في غيبتك لهفة قليبي تروتّ=من طعم سكينك ضلوعي تلاوت
شوف الجروح اللي تضامت وسوتّ=ورد الغلا داخل ضميري تماوت
في غيبتك روح السعاده تطوتّ=والحزن خيمّ والمعاليق ضاوت
دعوة زفاف الهم بالروح دوتّ=ضيوف ضيمه مع دفوفه تراوت
من لهفة احزاني بقلبي تضوتّ=نار الفراق اللي حشا ماتداوت
هذا اعتراف اللي بالاقلام نوتّ=افراح قلبه مع جروحه تساوت