ياسيدي حياك والامر حياه = بامر الملك متكاتفين الايادي
لاهب نسناس الطواغيت جيناه = ودروسنا يفهم عليها المعادي
في حكمة اللي لانوى العز يلقاه = سلمان بن عبدالعزيزالقيادي
خط الشمال احمر والاوضاع شفناه = واللي علينا اليوم شد العتادي
نحمي وطنا لاعدمنا محياه = نحمي وطنا بالطلق والزنادي
وحماية الله كلنا اليوم بحماه = باسم الوطن والشرع والاجتهادي
رفرف علم رعد الشمال وتحداه = اللي على دين الشريعه يعادي
قواتنا وقوات جيش تعزواه = من ارض الحفر لاقصى الشمال امتدادي
من مركز الرقعي لشمال القرياه = تنخى الجيوش اليوم مدن وبوادي
باسلاحنا واعتادنا والمعداه = وكل على الثاني جهازه ينادي
والجوا غيم طايرات ومظلاه = حنا حماة للوطن واعتمادي
عدونا يشرب غرابيل شرواه = ويندم على ماضيه علم وكادي
والامن محمي من ولي العهد يرعاه = محمد بن نايف لانادى المنادي
وحنا بامر ولي ولي العهد مبداه = قايد مسيرتنا عليه استنادي
محمد بن سلمان والجيش يفداه = لانه شبح ل عداه ماهو بعادي
صلوا على محمد جميع الصلاواه = وادعوا عسى رمي زملانا بسدادي