في حفل حزمي سعد لعل عمره طويل=الوافي اللي علوم الطيب يحري بها
اعد نفسي محلي واصنع المستحيل=واسخر الشاردة لرضاه واجيبها
وابدي التراحيب بسمه عد وبل المخيل=في حلة ضيفها يشكر معازيبها
وافخر بالاد المجمع كاسبين الجميل=العزوة اللي غمرنا الطيب من طيبها
واسخر من الشعر فيهم كل معنن جزيل=ومن حقي اذكر مكارمها واباهيبها
غير المكارم غلاهم واثبته بالدليل=جدي يغنيبها وانا بغنيبها
سنو ثلاث (ن) فخرها مستحيل يزيل=تبقى ليوم البعث وانا نماريبها
والجذع ياجاهلينه مزبنن للدخيل=بهيبة رجال عطيبات مضاريبها
عذروبهم لطمة العايل لاجاء يعيل=كم من عدو رموشه طلعو شيبها
فعل الكرم يوم وجد اهل الجزيرة قليل=الناس من عسرها تترك مواجيبها
خلاصة العلم تغني عن كثير وقليل=يادرع رنية ليا منه عوا ذيبها
لعل يفدا مواطيكم قلال الحصيل=ناس كثر مالها غطى عذاريبها
شيخان في اخر زمن ومراجل اخر مديل=والميزة الثابته كبر لغابيبها
ولاد المجمع حزامي في النهار المهيل=وقفاته كل خلق الله تدريبها
وصلاة ربي عدد ماهل وبل المخيل=على خيار البشر نختم ونبديبها