وش بقي فيك لجروح الزمان الجحود=ووش بقي منك لعيون الصديق الوفي
أوشك الفكر ينضب وانتهى بالركـود=كلمـا تستشيـره جاوبـك بالنفـي
للنهاية شهـود وللشجاعـة جنـود=كثرت شهودهـا وجنودهـا تختفـي
خلفت قوس طوّق لك فضول الزنـود=إن عدا مايجمّل وان مرض ماشفـي
أقبلت بك على ظهر البعير الشـرود=وادبرت بك على ظهر البعير الهفـي
صارت افضل وسايلنا لكسر الجمـود=رعشةٍ من طرف بـردان والاّدفـي
والوناسة شجن يحشد علينا حشـود=وكل حاجـة تمـر ولونهـا منكفـي
مابقي لك سند كود الدعا في السجود=أطلب العفو ممن ثوب ستره ضفـي
مابعد جود ربك ساعة الضيق جـود=أنت مومن صدوق ولطف ربك خفي
ياالله انك ونيسي ليل اماسي اللحـود=نور اركان لحـدي نـور ماينطفـي