أعتذر من مخرج الفلم الدرامي وآستميحـه=الذهب ماله حراج وراج يوم إنـي زبونـه
مرحبا حيّ الله اللي حرّك ركـود القريحـه=ما آختلف فنّه لوّ إن اللاش مايفهم فنونـه
العنود اللي تمايـل لـو ملامحهـا قبيحـه=المهم إليا تمايـل خصرهـا فيهـا ليونـه
تعجب المخرج ولو ماكـل قلـبٍ تستبيحـه=وإن سمع لثغة لسان الغانيه تضحك سنونه
وإن تثنّت ماتشابـه فـي تثنيهـا مديحـه=ضاع وقت المخرج المخدوع ماحصل مرونه
صوّروها وإنشروا في فلمها عشرين طيحه=ليتهم قالوا لبيّاع الهـوى يمشـي بهونـه
والسوالف بعضها يالقلب بـارود وقديحـه=والهواوي عاش طول العمر منها في مهونه
الحقيقه ياهنيّ أهـل العقـول المستريحـه=شفت ناسٍ شافوا المنكـر ولايستنكرونـه
سامح الله من فتح باب الغزل والله يبيحـه=وأكثر العشّاق كاس العشق يملاه بضنونـه
أثر داب الغار مايدريـك عنـه ألا فحيحـه=لو صمت وإنسل من جحره سلم لايذبحونه
إسمحوا لي مادعاني للقصيـد ألا القريحـه=والشعر قدح الفكر وآهل الجهل ماينصفونـه