كم من عشيقٍ دنّها فوق مشراف=راع الهوى لاضاق كنّه ارهابي
شفته وفزّة كنّها روح هدّاف=وانا بعد مثله خفوقي هوابي
ودي اظمّه واسكنه قلب ما شاف=بس الألم وفراق دايم مصابي
ظايق حبيبي ماله القلب ميلاف=ادري حبيبي ماتحمّل غيابي
يوم اشهقت بي حالتي ماله اوصاف=اشفت جروحٍ بالضماير عطابي
فزيت له فزّة غلا صابن ارجاف=مدري وطيت القلب ولاّ وطاني
يارب ساعد بالهوى قلب كيّاف=يارب عندك للفرج ألف بابي
اللي ذبحني بلغلا خشف غرياف=من دونها موتٍ يقص العلابي
اللي سبتني زينها يتلف اتلاف=كم مرةٍ نوخت عنده اركابي
فتحت له قلبي على كل الاصناف=لو قالت الموت الحمر قلت طابي
المشكله في ذمتي دوم ماخاف=والناس تدري بعشقتي وش جرابي
ماطاب ليلي ياملا سايق اسعاف=طعم الشهد ماطاب يوم بشرابي
كم كانن ايامي حزينات وعجاف=كل ما ولد يومٍ تجدد عذابي
من عقبها كنّي على يد سيّاف=بين الامل والياس فارت اعصابي