متى يجي ياعبيد علم المطر طاح=يذكر مدورت الكماء لاقطينه
في ديرةٍ يدله بها مصلاح=يم الحفر ياعبيد واطراف لينه
بديار شمر كاسبة كل الامداح=عاداتهم للضيف ذبح السمينه
في ديرةٍ والله به البال يرتاح=اخير عندي من زحام المدينه
ريح الخزامى بأطرف الروض يافاح=هذي طرات العمر وأجمل سنينه
راحت كثير أعمارنا كد وكفاح=نبي الوناسه دامنا قادرينه
ياصار مع ربعٍ عزيزين وأصحاح=وكل الكلافه بينهم شايلينه
مابينهم تحلى السواليف ومزاح=مافيهم اللي في ضميره ضغينه
هذي حلات العمر ياصرت مرتاح=مع النشاما والعلوم الثمينه